1.3. O concurso

Ademais de informáreste sobre o problema que supón a violencia de xénero, vas ter un obxectivo máis concreto que é a elaboración dun cartel sobre Violencia de Xénero que logo entrará a formar parte dunha exposición e dun concurso que se vai levar a cabo no teu instituto.

O cartel pódelo facer de xeito individual ou con dúas compañeiras ou compañeiros, de forma que sexades un máximo de tres persoas por grupo. Agarda, non decidas aínda se o queres realizar individualmente ou en compañía ata ter rematado de ver todas as indicacións que deberás ter en conta para elaborares o teu cartel.

Cando chegue a hora de que decidas como facer o cartel xa te avisarei, ata que chegue ese momento, non te preocupes por este tema.